Shymkentte jeńgetaılyq jasap júrgen kelinshek ustaldy
ShYMKENT. QazAqparat - Shymkentte jeńgetaılyq jasap júrgen 30 jastaǵy kelinshek ustaldy. Kúdikti qaladaǵy saýnalardyń birinde ákmishi bolyp jumys istegen, dep habarlaıdy QazAqparat HAA tilshisi.
Oblystyq ІІD-niń Uıymdasqan qylmyspen kúres basqarmasy qyzmetkerleri jeńgetaıdy jedel profılaktıkalyq shara barysy kezinde qolǵa túsirdi. Ol kezekti ret aqysyn tólegen jigitke jeńil júristi qyz taýyp bergen. Tártip saqshylary seziktini sol aqshany alý barysynda ustaǵan. Qazir ońaı jolmen oljaly bolyp júrgen kelinshektiń ústinen Qylmystyq kodekstiń 306 baby «Jezókshelikpen aınalysýǵa arnalǵan prıtondar uıymdastyrý nemese olardy ustaý jáne jeńgetaılyq» boıynsha is qozǵap, tergeý amaldaryn júrgizýde. Saýna ákimshisiniń qansha ýaqyttan beri osy kásippen aınalysyp júrgeni anyqtalýda.
Reıdtik shara barysynda polıtseıler sondaı-aq tánin saýdalap júrgen 40 shaqty qyz-kelinshekti tirkeýge qoıdy.
Aıta keteıik, jyl basynan beri óńirde osy maǵynalas 11 qylmys tirkelse, sonyń ishinde 10 qylmystyq is jeńgetaılyq jasaǵany úshin qozǵalǵan.
