Shymkentte jemqorlyqpen aıyptalǵan 23 laýazymdy tulǵa sottaldy

ShYMKENT. QazAqparat – Shymkentte jyl basynan beri 31-i sybaılas jemqorlyq qylmys tirkelgen. Bul týraly QR Sybaılas jemqorlyqqa qarsy is-qımyl agenttiginiń Shymkent qalasy boıynsha departamentiniń basshysy Ashat Jumaǵalı málimdedi, dep habarlaıdy QazAqparat tilshisi.

Departament basshysynyń sózinshe, tirkelgen qylmystardyń qatarynda 20 paraqorlyq jáne 18 jymqyrý deregi bar. Salalarǵa bólip qaraǵanda quqyq qorǵaý organdarynda - 10, aýyl sharýashylyǵy salasynda – 5, jer qatynastarynda – 3, bilim berý jáne densaýlyq saqtaý, áleýmettik qamtamasyz etý salalarynda bir qylmystan anyqtalǵan.

Sybaılas jemqorlyq jasaǵany úshin 33 tulǵa ustalyp, 23-i sottalǵan. Onyń ishinde bireýi respýblıkalyq, 3-ýi oblystyq, 2-ýi – aýdandyq deńgeıdegi basshylar.

Departament tarapynan jemqorlyq qylmystaryn jasaýǵa yqpal etken mán-jaılarǵa saraptama júrgizilip, olardy joıý boıynsha 100-den astam usynys engizilgen. 39 laýazymdy tulǵa ártúrli tártiptik jazaǵa tartylyp, 4-ýi atqaryp otyrǵan laýazymynan bosatylǵan. Taǵy 11-i jumysynan shyǵaryldy.

Aınur Aqbaeva

Sýreti poshtada