Shymkentte jemqorlyqqa qarsy mádenıetti qalyptastyrýǵa qatysty forým ótti

ShYMKENT. QazAqparat - Shymkentte «Qoǵamda sybaılas jemqorlyqqa qarsy mádenıetti qalyptastyrý: qoǵammen baılanys» atty forým ótti. Shara barysynda qoǵamnyń sybaılas jemqorlyqqa qarsy is-qımyldaǵy róli men iske asyrylyp jatqan jobalar talqylandy, dep habarlaıdy QazAqparat tilshisi.

Sybaılas jemqorlyqqa qarsy is-qımyl Agenttiginiń qalalyq departamenti uıymdastyrǵan jıynda jemqorlyqty joıý máseleleri de sóz boldy. Departament basshysy Shattyq Óteev sybaılas jemqorlyqsyz qoǵamdy qalyptastyrýdaǵy qoǵam men buqaralyq aqparat quraldarynyń mańyzdy rólin atap ótip, sybaılas jemqorlyqqa qarsy saıasatty iske asyrýǵa qosqan úlesteri úshin alǵysyn bildirdi.

«Bizdiń basty maqsatymyz - qoǵammen jalpy azamattarymyzdyń ómirin sybaılas jemqorlyqtan azat etý úshin tıisti jaǵdaı jasaý.

Bul úshin azamattyq qoǵamnyń seriktes retinde qatysýy óte mańyzdy», - dep atap ótti Sh. Óteev.

Forým barysynda BAQ ókilderi arasynda sybaılas jemqorlyqqa qarsy mádenıetti qalyptastyrýǵa baǵyttalǵan úzdik jýrnalıstik jumystardyń jeńimpazdary, sondaı-aq sybaılas jemqorlyqqa qarsy is-qımylǵa úles qosqan qoǵam belsendileri marapattaldy.