Shymkentte jekemenshik balabaqshada 4 búldirshin men tárbıeshi ıiske ýlanyp qaldy

ShYMKENT. QazAqparat – Shymkenttegi jekemenshik balabaqshalardyń birinde 4 búldirshin men tárbıeshi ıiske ýlanyp qaldy. Qazir eki jastaǵy balalar men tárbıelenýshi toksıkologııalyq bólimshege jatqyzyldy, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, ýlaný oqıǵasy búgin tańǵy saǵat 10:00 shamasynda oryn alǵan.

«Qarshyǵa» balabaqshasynda boljam boıynsha gaz kolonkasynyń aqaýynan shyqqan tabıǵı gazǵa 2018 j.t. Inkar Barat, Nursaıa Rahman, Nazerke Endibaeva, Erasyl Ádil jáne balabaqsha tárbıeshisi 1993 j.t. Gýlbaný Qaramanova ýlanyp qalǵan. Oqıǵa ornynda Tótenshe jaǵdaılar departamentiniń 4 qyzmetkeri men 2 tehnıkasy, «QazTransGaz» AQ 4 qyzmetkeri men 1 tehnıkasy jumys istep jatyr. Al, ýlanyp qalǵan búldirshinder men tárbıeshisiniń qazirgi jaǵdaılary ortasha dárejede», delingen habarlamada.