Shymkentte jeke úıdiń janynan sharananyń óli denesi tabyldy
ShYMKENT. QazAqparat - Shymkentte jeke úıdiń aldynan sharananyń óli denesi tabylýy boıynsha tergeý sharalary bastaldy. Bul týraly oblystyq ІІD baspasóz qyzmetiniń jetekshisi Saltanat Qarakózova málim etti, dep habarlaıdy QazAqparat tilshisi.
Aıta keteıik, sharana búgin tańǵy bester shamasynda Abaı aýdanyna qarasty Jaılaý shaǵynaýdanynda tabylǵan bolatyn. Ony tańǵy namazdan qaıtyp kele jatqan er azamattar baıqapty. Kýágerlerdiń sózinshe, tolyq jetilmegen sharana 6-7 aılyq shamasynda. Ony aq mataǵa orap, sol mańdaǵy jeke úıdiń janyna qaldyrǵan. Turǵyndar dereý polıtsııaǵa habar beredi. Bul máselege oraı óńirdiń polıtseıleri ázirge qanaı da bir qorytyndy shyǵarý erte deıdi. Biraq tergeý sharalary júrgizilip jatyr.
«Shaqalaqty jeke úıdiń aldyna belgisiz bireý tastap ketken. Qazir birneshe sot-medıtsınalyq saraptamalar taǵaıyndaldy. Tergeý sharalarymen Abaı aýdandyq polıtsııa bóliminiń tergeýshileri aınalysýda. Saraptamalardyń qortyndysy boıynsha protsesýaldyq sheshim qabyldanatyn bolady», - deıdi Saltanat Qarakózova.
