Shymkentte jeke klınıkaǵa qaralýǵa barǵan polıtseı qaıtys boldy

ShYMKENT. QazAqparat - Shymkentte jeke klınıkaǵa qaralýǵa barǵan polıtsııa qyzmetkeri qaıtys boldy. Qazir tártip saqshysynyń qandaı jaǵdaıda kóz jumǵany tergelip jatyr, dep habarlaıdy QazAqparat tilshisi.

Qalalyq ІІD baspasóz qyzmetiniń habarlaýynsha, 25 qyrkúıek kúni qaza tapqan polıtseıdiń ólimi boıynsha Qylmystyq kodekstiń 317-baby «Medıtsına nemese farmatsevtıka jumyskeriniń kásibı mindetterin tıisinshe oryndamaýy» boıynsha sotqa deıingi tergeý amaldary júrgizilip jatyr. 

Al, marqumnyń týystary bolsa, 29 jastaǵy polıtseı jeke klınıkaǵa júkti áıelimen birge barǵanyn aıtady. Ondaǵy medıtsına qyzmetkerleri sap-saý jigitke ekpe jasamas buryn synama almady dep aıyptap otyr. Qalaı bolǵanda da, tártip saqshysynyń neden qaıtys bolǵany tergeýden soń belgili bolmaq.