Shymkentte jazasyn óteýden jaltarǵan sottalýshy ustaldy
Shymkent qalasy jáne Túrkistan oblysy boıynsha QAJ departamentine qarasty ICh 56 qaýipsizdigi tómen mekemesinde jazasyn óteýshi ótinishi negizinde jýynýǵa jáne qajetti zattardy alýǵa tysqa shyqqan. Alaıda, ol mekemege belgilengen ýaqytta qaıta oralmaǵan.
Kúndizgi ýaqytta júrgizilgen jedel-izdestirý is-sharalary barysynda polıtsııa qyzmetkerleri sottalýshyny Jetisaı aýdanynan qolǵa túsirdi.
Atalǵan fakti boıynsha Shymkent qalalyq polıtsııa basqarmasy sotqa deıingi tergeý amaldaryn (QR QK 427-baby «Bas bostandyǵynan aıyrý jazasyn óteýden jaltarý») júrgizip jatyr. Sonymen qatar, Qylmystyq-atqarý júıesiniń Shymkent qalasy men Túrkistan oblysy boıynsha departamenti qyzmettik tekserý júrgizdi.
Al,«jazasyn óteýshi qalaı tysqa shyǵyp ketken degen saýalǵa?» Shymkent qalasy jáne Túrkistan oblysy boıynsha QAJ departamenti resmı túrde jaýap berdi.
«QR Qylmystyq-atqarý kodeksiniń 143-bap 6-bóligi 4-tarmaǵyna sáıkes, qaýipsizdigi barynsha tómen mekemelerde jazany óteý jaǵdaılarynda mekeme ákimshiliginiń ruqsatymen, egep bul birinshi kezekte qajetti zattardy satyp alý úshin qajet bolsa, mekemege irgeles aýmaqtyń shekarasy sheginde aıyna bir ret saǵat toǵyzdan on segizge deıin qadaǵalaýsyz júrip-turýǵa quqyly»-delingen aqparatta.
