Shymkentte jaýynnan qıraǵan úıdiń turǵyndary ýaqytsha basqa baspanaǵa kóshiriledi
ShYMKENT. QazAqparat - Shymkentte jaýynnan qıraǵan úıdiń turǵyndary ýaqytsha basqa baspanaǵa kóshiriledi. Bul týraly qulaǵan turǵyn úıdiń jaǵdaıymen tanysyp qaıtqan qala ákimi Ǵabıdolla Ábdirahymov málimdedi, dep habarlaıdy QazAqparat HAA tilshisi.
Shymkent qalasynyń ákimi Ǵ.Ábdirahymov «Tań Nury» kóshesindegi qulaǵan turǵyn úıdiń jaǵdaıymen tanysyp qaıtty. Mamandar tekserý barysynda úıdiń irgetasy álsiz, qabyrǵasy qam qyshtan soǵylǵanyn anyqtady. Olardyń aıtýynsha, qurylysy texnıkalyq talaptarǵa saı kelmegen. Al qys maýsymynda tolassyz jaýǵan jaýyn-shashyn saldarynan úıdiń irgetasy qulaǵan.
Qala ákimi oqıǵa ornynda úı ıelerimen kezdesip, olardy demeýshiler tarapynan bir jylǵa jaldamaly páterge ornalastyratynyn málimdedi.
Ǵ.Ábdiraxymov mundaı jaǵdaıdyń qaıtalanbaýyn qadaǵalaý maqsatynda qalalyq «Shańyraq» baǵdarlamasyn qurýdy usyndy. Baǵdarlama aıasynda eski, sapasyz soǵylǵan apatty úıler anyqtalyp, qaýiptiń aldyn alý jumystary júrgiziletin bolady.
