Shymkentte jaýyn-shashynnan keıin úılerdiń aýlasyn sý basty

ShYMKENT. QazAqparat – Shymkentte nóser jaýyn jaýyp, qala aýmaǵynda birqatar kósheler men turǵyn úılerdiń aýlasyn sý basyp qaldy. Jaýynnyń saldaryn joıýǵa tótenshe jaǵdaı qyzmetkerleri men órt sóndirýshiler jumyldyryldy, dep habarlaıdy QazAqparat tilshisi.

Qalalyq TJD málimetinshe, 24 aqpan kúni keshki saǵat 19:00-ge deıin Abaı aýdanyndaǵy Samal-3, Aqtas, Eńbekshi aýdanynda 4 kóshe boıynda, Qarataý aýdanynda Qaıtpas-1, Saıram, Nurtas móltek aýdandaryn sý basqan.

Qala aýmaǵynda 10 mekenjaıdan habarlama túsken. Oǵan órt sóndirý bólimderiniń 54 qyzmetkeri men 10 tehnıkasy, 11 motopompa jumyldyryldy.

Sý basqan kósheler men turǵyn úı aýlalarynan 252 tekshe metr sý shyǵarylǵan.