Shymkentte jataqhana órtenip, 35 adam evakýatsııalandy
Qalalyq TJD baspasóz qyzmetiniń málimetinshe, 45 páterli jataqhanada órt shyqqany týraly habarlama tańǵy 5:39-da kelip túsken. Órt sóndirý qyzmeti oqıǵa ornyna jetkenshe 33 adam qaýipsiz jerge shyǵyp úlgergen. Tótenshe jaǵdaılar qyzmetkerleri 2 adamdy evakýatsııalady.
«Órt jalpy kólemi 702 sharshy metrdi quraıtyn bir qabatty eski jataqhanadan shyqqan. Ol burynǵy qorǵasyn zaýytynyń jataqhanasy. Ǵımarattyń 240 sharshy metrdi quraıtyn shatyry janǵany belgili boldy. Órtti sóndirýge 53 adamnan quralǵan jeke quram men 10 tehnıka, Polıtsııa departamentiniń jeke quramynda 30 adam men 7 tehnıkasy jumyldyryldy. Jalynnyń beti 06.14-te qaıtarylyp, saǵat 06.58-de tolyǵymen sóndirildi. Zardap shekkender men qaza bolǵandar joq. Órttiń shyǵý sebebi men shyǵyny anyqtalýda», - delingen habarlamada.
