Shymkentte jasyryn jumys istegen dámhanada tamaqtanǵan polıtseı qyzmetinen bosatyldy
Qalalyq polıtsııa departamenti bastyǵynyń málimetinshe, Abaı aýdany ákimshiligi men polıtsııa qyzmetkerleri birlesip reıd júrgizgen. Reıd barysynda tótenshe jaǵdaı rejımi engizilgenine qaramastan «Saryarqa» dámhanasynyń ákimshiligi azamattardy qabyldap, olarǵa qyzmet kórsetkeni anyqtalǵan.
Atalǵan jaıt boıynsha QR ÁQBtK 476-baby 6-tarmaǵymen dámhana ákimshiligi men azpazyna ákimshilik hattama toltyrylyp, jınaqtalǵan ister Shymkent qalasynyń mamandandyrylǵan ákimshilik sotyna joldanǵan.
«Bul jaǵdaı keshe taltúste «Saryarqa» kafesinde bolǵan. Ol aýdandyq polıtsııa basqarmasyyń dál janynda. Bizdiń qyzmetker ony ashyq tur eken dep oılap, «kirip tamaq ishtim» dedi. Ol qyzmetkerdi biz jumystan bosattyq. Qazirgi tańda polıtseıler arasyndaǵy quqyqbuzýshylyqtardy taýyp, qatań jazaǵa tartyp jatyrmyz»,- dedi Eraly Jumahanbetov.
Aıta keteıik, buǵan deıin eki polıtsııa qyzmetteri blokposttan kedergisiz ótkizem dep turǵyndardan para alǵany úshin qyzmetinen bosatylǵan bolatyn.