Shymkentte «Jasyl qala» baǵdarlamasy qabyldandy
ShYMKENT. QazAqparat - Shymkentte jańadan ázirlengen «Jasyl qala» baǵdarlamasy qabyldandy. Oǵan sáıkes, shahardaǵy ózenderdiń boıynan gúlzarlar salynyp, júzimdikter men jemis baýlary bar kóshelerdiń sany artatyn bolady. Bul týraly qala ákimdiginiń resmı saıtynda jarııaandy, dep habarlaıdy QazAqparat tilshisi.
Sala mamandardyń sózinshe, atalǵan baǵdarlama qalany kógaldandyrý men agro-aýyl sharýashylyǵy beldeýin damytyp, saqtaý jáne álemdik megapolıster tájirıbesi boıynsha jańa baý-saıabaq mádenıetin qurý maqsatynda qolǵa alynǵan. Ony Shymkent qalasy ákiminiń orynbasary Tımýr Baımuhanov jetekshilik etken jobalaýshy top júzege asyratyn bolady. Qazir bul topqa túrli salanyń sarapshylary engizilip otyr. Olardyń qatarynda sáýletshiler, ǵalymdar, bıologtar, agronomdar, baǵbandar, gıdrotehnıkter, ekonomıster men stýdentter bar. Jobaǵa baılanysty qujatta Shymkenttiń jasyl beldeýin qalyptastyrýdyń, kóshelerdi kógaldandyryp, saıabaq aýmaqtaryn damytýdyń naqty jobalary usynylǵan. Naqtyraq aıtqanda, qalaǵa kireberis aımaqtarda toǵaılar, aýyl sharýashylyǵy jerleriniń mańynda taldar alqaby qurylady. Sonymen qatar ulttyq úlgidegi etnografııalyq gúlzarlar paıda bolmaq. Baǵdarlamany jasaýshylar Shymkenttik sımvoly - qyzǵaldaqty da umyt qaldyrmaǵan. ıAǵnı, shaharda qyzǵaldaq qoryn qurý josparlanyp otyr. Baǵdarlama avtorlarynyń aıtýynsha, mundaı joba qajet. Sebebi, oblys ortalyǵy turǵyndarynyń sany jyl saıyn artyp keledi.
«Bul baǵdarlamany qurýdaǵy negizgi sebeptiń biri - qala ekonomıkasy damyǵan saıyn aýanyń, topyraq pen sý kózderiniń lastanýy artty, qaldyq sý kóbeıdi. Tehnıkalyq jáne rekreatsııalyq áserdiń kesirinen qala mańyndaǵy baǵaly landshaft joıylýda. Qala ortalyǵy da tabıǵattan alystap barady. Osyǵan baılanysty qorshaǵan ortany saýyqtyrý qajettigi týyndady. ıAǵnı, qalalyq saıabaqtar men jasyl beldeýler qurýdyń nátıjesinde ekologııalyq ahýaldy jaqsartý kózdelip otyr», delingen baǵdarlamada.
Aıta keteıik, merzimi 2030 jylǵa deıin josparlanyp otyrǵan «Jasyl qala» baǵdarlamasy respýblıkalyq jáne jergilikti bıýdjet qarjysymen, jeke ınvestıtsııa tartýmen júzege asyrylmaq.
Foto: shymkent.gov.kz
