Shymkentte jasy júzden asqan 20 qart turady
ShYMKENT. QazAqparat - Shymkentte jasy 100-den asqan 20 adam turady. Uzaq jasaýshylardyń 18-i - qart ájeler. Bul týraly qalalyq ákimdiktiń baspasóz qyzmeti jarııa etti, dep habarlaıdy QazAqparat tilshisi.
Ǵasyrdan asa ómir súrip jatqandardyń árbiri tyl eńbekkeri nemese batyr analar. Al, jasy eń úlken qala turǵyny Gúlsheshek Qolaeva 10 qańtarda 111 jasyn toılady. Keıýana, sondaı-aq, jetiden asa perzentti ómirge ákelip, «Kúmis alqa» ıegeri atanǵan.
Sol sııaqty tyl eńbekkerleri Alpa Esjanova men Nazym Mambetalıevalar 109 jasta. Aısha Nazarqulova - 106 jasta bolsa, «Altyn alqa» ıegeri Shyryn Abdýllaeva 103 jastan asty. Batyr ana Qanash Kúzerbaeva men tyl eńbekkerleri Habıba Faızıeva jáne Haırınısa Tatarovalar da 103 jasty eńserdi.
Úsh tyl eńbekkeri Aısha Abdýllına men Ulshym Baıbotaeva, Nagıma Bekqaraevalar jáne «Kúmis alqa» ıegeri Ufan Kúlánbaevalar 102 jasqa tolǵan.
Tyl eńbekkerleri Orynkúl Ádilbekova men Marııa Sıdorenko jáne batyr ana Satqyn Otarbaevalar - 101 jasta.
Eki tyl eńbekkeri Keńeskúl Baqbaı men Marııa Kovalchýk jáne «Kúmis alqa» ıegeri Bıbisara Erjanova 1 ǵasyrlyq ǵumyr keship otyr. Qarııalar arasynda Bostan Raımbekov 105 jasqa kelse, Nıgmat Gareev - 102 jasqa jetken.
Foto: goodhousekeeping.com
