Shymkentte jastar forýmy ótti

ShYMKENT. QazAqparat - Shymkentte jastar jylynyń qarsańynda alǵashqy forým ótti. «Jastar - ulttyń basty kapıtaly» atty forým alańyna tanymal kásipkerler men bilim berý salasyndaǵy tájirıbeli basshylar, belgili sportshylar men respýblıkalyq jastar uıymdary jáne qoǵamdyq birlestikteriniń jetekshileri qatysty, dep habarlaıdy QazAqparat tilshisi.

Táýelsizdik kúni qarsańynda uıymdastyrylǵan sharaǵa sondaı-aq, blogerler men jergilikti atqarýshy organdarynyń ókilderi, iri jáne orta bıznes ókilderi men qala jastary shaqyryldy. 

Basqosýda qaladaǵy bıznes-qaýymdastyqtar men jastardyń arasynda kásibı jáne iskerlik baılanysyn damytý men jańa býynnyń ózekti máselelerin anyqtaıtyn jáne ony sheshý jolyn qarastyratyn kommýnıkatsııalyq alań qurý jaıy sóz boldy.

Sonymen qatar elimizge tanymal   Qýanysh Shonbaı, Baýyrjan Qasymbergebaev, Ibragım Eskendir, Serik Esmatov, Arman Ospanov, Órken Kenjebek syndy spıkerler óz tájirıbelerimen bólisti. Túrli salanyń sarapshylary 5 sessııa boıynsha tájirıbe almasty. Elimizdiń belsendi jastary «Jastar kásipkerligin damytý» men «Bilim berý salasynyń ozyq tehnologııalary», «Jastar arasynda buqaralyq sportty damytý» men «Buqaralyq aqparat quraldary men áleýmettik jeliniń jastar tárbıesindegi róli», sondaı-aq «Jastar uıymdarynyń áleýetin arttyrý» máselelerin jan-jaqty talqylady.

Budan ózge forýmda Shymkent qalasy balalar, otbasy jáne jastar isteri jónindegi basqarmasy men qaladaǵy iri kásiporyndar, úlken jáne shaǵyn bıznes qurylymdarmen jastar arasyndaǵy jumyssyzdyqty azaıtý maqsatynda eki jaqty memorandýmǵa qol qoıylady dep kútilýde. 

700-den asa jas qatysqan jıynda  memlekettik jastar saıasatyn damytý boıynsha usynystar ázirlendi.