Shymkentte jastar arasynda sybaılas jemqorlyqqa qarsy sýret baıqaýy ótti
Baıqaýdy QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti osy tektes qylmystardyń aldyn alý maqsatynda uıymdastyrdy. Á.Qasteev atyndaǵy óner jáne dızaın kolledjiniń stýdentteri konkýrsta plakattar men kompıýterlik grafıka baǵyttary boıynsha saıysqa tústi. Atalǵan saıys jeńimpazdary marapattalyp, olardyń jumystary «Sybaılas jemqorlyqqa qarsy birge!» áleýmettik jarnamalardyń halyqaralyq jastar baıqaýyna joldandy. Sondaı-aq, úzdik jumystar www.anticorruption.life resmı saıtynda jarııalanady.
Aıta keteıik, sybaılas jemqorlyqqa qarsy is-qımyl salasynda halyqaralyq yntymaqtastyqty uıymdastyrý jáne birlesken tıimdi sharalardy qabyldaý maqsatynda QR Memlekettiń qyzmet isteri jáne sybaılas jemqorlyqqa qarsy is-qımyl Agenttigi TMD-nyń Sybaılas jemqorlyqqa qarsy is-qımyl boıynsha memleketaralyq keńesiniń aıasynda Reseı Federatsııasy, Belarýs, Armenııa, Tájikstan jáne Qyrǵyz Respýblıkalarynyń ýákiletti organdarymen belsendi túrde ózara árekettesýde.
Al, 2018 jylǵy 2 shildede Erevan qalasynda ótken Keńestiń kezekti otyrysynda Reseı Federatsııasynyń Bas prokýratýrasy osy taqyrypta baıqaý ótkizý boıynsha bastama kóterdi. Oǵan sáıkes, 14-35 jas aralyǵyndaǵy qatysýshylar «Sybaılas jemqorlyqqa qarsy birge!» taqyrybynda plakattar jáne vıdeolar formatynda áleýmettik jarnama ázirlep, onda qoǵamnyń barlyq deńgeılerinde jáne barlyq qyzmet salalarynda sybaılas jemqorlyqqa qarsy is-qımyldyń qazirgi zamanǵy tetikterin, sondaı-aq atalǵan baǵytta halyqaralyq yntymaqtastyqtyń róli men mańyzyn kórsetetin bolady.
Baıqaý jeńimpazdaryn saltanatty marapattaý rásimi Máskeý qalasynda Halyqaralyq sybaılas jemqorlyqqa qarsy kúres kúni qarsańynda josparlanǵan.