Shymkentte jasóspirimdi qaǵyp óltirip, oqıǵa ornynan qashyp ketken júrgizýshi ustaldy
Qalalyq PD baspasóz qyzmetiniń málimetinshe, adam qaqqan kólik júrgizýshisin jergilikti ýchaskelik ınspektorlardyń biri ustaǵan. №9 ýchaskelik tirek pýnktiniń ınspektory Nurbol Qaldyuly Qursaı shaǵyn aýdanynda jasalǵan jol kólik oqıǵasy týraly habarlama alǵan. Bul aýmaqta ol buryn tórt jyldan astam qyzmet atqarǵandyqtan jaqsy bilgen. Oqıǵa ornynan izin sýytqan kináli júrgizýshi «Opel-Vektra» markaly avtokóligin basqara otyryp, kámeletke tolmaǵan jaıaý júrginshini qaǵyp ketkenin estigen ol jedel izdestirý sharalaryn júrgizgen. Nátıjesinde jeńil avtokóliktiń turǵan jeri anyqtalyp, kólik júrgizýshisin ustaǵan.
«Qazirgi tańda atalǵan jáıt boıynsha QR Qylmystyq kodeksiniń 345-baby «Avtomobıldi, trolleıbýsty, tramvaıdy nemese basqa da mehanıkalyq kólik quralyn júrgizýshi adamnyń jol qozǵalysy nemese kólik quraldaryn paıdalaný erejelerin buzýy abaısyzda adam ólimine alyp kelgen» jáne 347-baby «Jol-kólik oqıǵasy bolǵan jerden ketip qalý» boıynsha sotqa deıingi tergeý bastaldy. Avtokólik aıyp turaǵyna jetkizilip, sotqa deıingi tergep-tekserý barysy qala prokýratýrasynyń baqylaýyna alyǵan» delingen habarlamada.