Shymkentte jasóspirimderdi tonap júrgen kúdiktiler ustaldy
ShYMKENT. QazAqparat - Shymkentte jasóspirimderdi kósheden toqtatyp, uıaly telefondaryn tonap júrgen kúdiktiler ustaldy. Polıtseıler kúdiktilerdiń bir kúnde úsh ret osyndaı qylmys jasaǵandaryn aıtady, - dep habarlaıdy QazAqparat HAA tilshisi.
Qaladaǵy ál-Farabı aýdandyq polıtsııa bólimshesine bir jasóspirimniń anasy aryzdanǵan. Onyń sózinshe, ortalyq kóshelerdiń birinde belgisiz bireýler kámelet jasyna tolmaǵan ulyna kúsh kórsetip, uıaly telefonyn tartyp alypty.
Bolǵan jaıt boıynsha tártip saqshylary «Tonaý» babymen qylmystyq is qozǵap, kúdiktilerdi izdestiredi. Shuǵyl izdestirý sharalary barysynda osy qylmysqa qatysy bar degen úsh sezikti ustaldy. Qolǵa túsken úsheýdiń ishinde jasóspirimder de bar bolyp shyqty.
Tergeý barysynda olardyń dál osy kúni taǵy eki qylmys jasaǵandary anyqtaldy. ıAǵnı, Qyrǵyz bazary mańynan ótip bara jatqan eki jasóspirimdi toqtatyp, kúshtep telefondaryn tartyp áketipti. Qazirgi tańda polıtseıler kúdiktilerdiń ózge de qylmystarǵa qatystylyǵyn tekserýde.
