Shymkentte jasandy uryqtandyrý arqyly júkti bolǵan analarǵa arnaıy ortalyq ashyldy

ShYMKENT. QazAqparat - Shymkentte jasandy uryqtandyrý arqyly júkti bolǵan analarǵa arnaıy ortalyq ashyldy. Zamanaýı quraldarmen jaraqtandyrylǵan bólimshede dárigerler kelinshekterdi júktiliktiń 34 aptasynan bastap, túrli patologııalar boıynsha baqylaýda ustaıtyn bolady, dep habarlaıdy QazAqparat tilshisi.

Sondaı-aq №2 qalalyq aýrýhanasynan ashylǵan bólimshede merziminen asqan júktilik pen arterıaldyq gıpertenzııanyń orta dárejesin, qan azdyqtyń aýyr dárejesi men qant dıabetine shaldyqqan áıelderge de emdik sharalary jasalady.

«Aýrýhanaǵa qarasty perzenthanada zerthanalyq qyzmet táýlik boıy jumys isteıdi. Qabyldaý bóliminde shuǵyl shaqyrylym júıesi ornatylǵan. Bul boıynsha naýqasqa qajet bolǵan mamandar jedel shara qabyldaýǵa múmkindik bar. Al, ótken jyly bul perzenthanada 3 500-den astam ana náresteli boldy»,-deıdi №2 qalalyq aýrýhanasynyń bas dárigeri Sársen Pernebekov.