Shymkentte jas jubaılar toı kúninde daýys berdi (FOTO)
ShYMKENT. QazAqparat - Shymkentte jas jubaılar nekesin qıǵan soń birden saılaý ýchaskesine bardy.
Qanat pen Gúlmıra Qambarovtar nekesin qıǵannan keıin birden saılaý ýchaskesine bardy. Ózge daýys berýshilerge qaraǵanda qalyńdyq pen kúıeý jigit erekshe bolyp kórindi.
«Búgin mańyzdy kún, bolashaǵymyzdy tańdap jatyrmyz. Ol bizge baılanysty. Toıymyzdy josparlaǵanda, qalany aralaǵan ýaqytta saılaý ýchaskesine soǵamyz dep mejeledik. Kimge jáne qaı partııaǵa daýys berý turǵysynda ekeýmizdiń pikirimiz bir jerden shyqty. Bul bizdiń ortaq tańdaýymyz», - dedi Qanat Qambarov.
M.Áýezov atyndaǵy OQMÝ ǵımaratynda ornalasqan №94 saılaý ýchaskesinde saılaýshylardyń tiziminde 1 842 adam boldy.
«Bizdiń ýchaskede 711 stýdent daýys beredi. Jastardyń 105-i alǵash ret daýys bergeli jatyr. Adamdardyń belsendiligi joǵary», - dedi №94 saılaý ýchaskesiniń saılaý komıssııasynyń tóraǵasy Ernst Tileýilov.
Ol atap ótkendeı, 12 saılaýshyǵa jáshikti úıine aparady. Óıtkeni ardagerler densaýlyǵyna baılanysty saılaý ýchaskesine bara almaıdy.
