Shymkentte jas polıtsııa qyzmetkerleriniń sleti ótti
Saltanatty shara quqyq buzýshylyqqa múldem tózbeýshilik pen jas polıtseılerdiń kásibı qalyptasýyn damytý maqsatynda uıymdastyryldy, dep habarlaıdy QazAqparat tilshisi.
Іs-sharaǵa Polıtsııa departamenti men 6506 áskerı bóliminiń basshylary, quqyq qorǵaý qyzmetiniń ardagerleri men Memlekettik qyzmet isteri jáne sybaılas jemqorlyqqa qarsy is-qımyl agenttigi qalalyq departamentiniń mamandary, áskerı bóliminiń ofıtserlik quramy men jastar qatysty.
Slet kezinde polıtsııanyń jumysy qoǵamnyń jiti nazarynda ekeni aıtylyp, el azamattarynyń múddelerimen jáne qaýipsizdigimen tyǵyz baılanystylyǵy sóz boldy. Polıtsııanyń ashyq bolýy úshin halyqpen tyǵyz baılanys qajettigi qamtyldy. Shara sońynda qyzmette joǵary kórsetkishterge jetken úzdik jas polıtseıler men olardyń tálimgerleri PD basshylyǵy tarapynan marapattarǵa ıe boldy. Sonymen qatar, «Halyq qaharmany» ataǵynyń ıegeri, polkovnık Q.Úmbetov is-sharaǵa qatysýshylarmen ár túrli taqyryptarda áńgime júrgizip, ózderin tolǵandyrǵan suraqtarǵa jaýap berdi.
Aıta keteıik, Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi óz kezeginde ishki ister organdarynda «Sybaılas jemqorlyqtan ada óńirler» arnaıy jobasy aıasynda birlesip jumys isteýde. Atalǵan joba aıasynda Shymkentte «Shymkent - adaldyq alańy» jobalyq keńsesi ashylyp, onyń basty mıssııasy turmystyq sybaılas jemqorlyqty joıý jáne azamattar úshin qolaıly jaǵdaı jasaý bolyp otyr.