Shymkentte jas kelinshekti óltirdi degen kúdikti Jetisaıdan ustaldy
Ál-Farabı APB 102 arnasyna jalǵa alynǵan páterden zorlyq-zombylyq belgileri bar jas áıeldiń máıiti tabylǵany týraly habar tústi.
Oqıǵa ornyna dereý aýdandyq polıtsııa basqarmasynyń qyzmetkerleri, krımınalıster, tergeýshiler men jedel ýákilderden quralǵan jedel-tergeý toby shyqty.
Aýdan prokýrorlary da keldi.
Kezekshi sarapshy jábirlenýshiniń mehanıkalyq asfıksııa saldarynan qaıtys bolýy múmkin ekenin anyqtady.
Bul jaıt QR QK 99-baby boıynsha tirkeldi.
Páter ıesi tanysynyń aıtýymen polıtseıler jábirlenýshiniń jeke basyn anyqtady.
Ol Shymkentke jumys izdep kelgen 28 jastaǵy áıel bolyp shyqty.
Jasalǵan qylmystyń aýyrlyǵyn eskere otyryp, tergeýshiler men jedel ýákilder dereý kúdiktini izdeýge jáne ony ustaýǵa kiristi.
Beınebaqylaý kameralarynyń jazbalaryn zerdeleý kezinde kisi óltirýge qatysy bar jas jigit jedel ýákilderdiń kózine tústi.
Ol 29 jastaǵy Túrkistan oblysynyń turǵyny bolyp shyqty.
Osy azamattyń derekterimen birden barlyq bólimshelerge baǵdarlar jiberildi.
Nátıjesinde Shymkent qalasynyń krımınaldyq polıtsııa qyzmetkerleri kúdiktini Jetisaı aýdanynda turǵylyqty mekenjaıynan ustady.
Kúdikti qamaýǵa alyndy. Oǵan qatysty sotqa deıingi tergeý júrgizilip jatyr.
Saraptama taǵaıyndaldy. Tergeýshiler jasalǵan qylmystyń sebebin anyqtap jatyr.