Shymkentte jas kelinshekti azaptap óltirgen jigit pen onyń sybaılastary sottaldy
Qalalyq qylmystyq ister jónindegi mamandandyrylǵan aýdanaralyq sotynyń málimetinshe, máıitti jerlegen eki jigit pen taǵy bir jasóspirimge bas bostandyǵyn shekteý jazasy taǵaıyndaldy.
Aıta keteıik, jurttyń jaǵasyn ustatqan qylmystyq oqıǵa aǵymdaǵy jyldyń naýryz aıynda Qaınarbulaq saıajaıynda bolǵan edi. Sottalýshy men onyń sybaılasy tanys kelinshekpen ishimdik ishken. Alaıda aralarynda urys shyǵyp, eki jigit áıeldi óltirgen. Ony aldymen qatygezdikpen uryp soǵyp, beton plıtasymen bas súıegin jarǵan. Ústine benzın quıyp, órtegen. Keıinnen máıitten qutylmaqshy bolyp, oqıǵa ornyna 18-ge endi ǵana tolǵan eki tanysy men taǵy bir jasóspirimdi shaqyrǵan. Olardy qorqytý arqyly máıitti jerleýge májbúrlegen. Tergeý kezinde kisi óltirýshiniń biri ustalyp, ýaqytsha tergeý abaqtysyna qamaldy. Al, onyń sybaılasy áli kúnge izdestirilip jatyr.
Osyǵan deıin Shymkentte 9 jasar qyzǵa zorlyq áreketterin jasaǵan kúdikti ustalǵandyǵy habarlanǵan bolatyn.