Shymkentte jas kelinshek saýda ortalyǵynda bosandy
Búgin atalǵan saýda ortalyǵynda saǵat ekiler shamasynda 27 jastaǵy kelinshek bosandy. Al mekeme qyzmetkerleri alǵashqy kómek kórsetip, qyz balanyń ómirge kelýine septigin tıgizdi.
Olardyń aıtýynsha, aıaǵy aýyr kelinshektiń ózi de bulaı tez bosanamyn dep oılamaǵan kórinedi. Aıta keteıik, bul «Shymkent Plaza» saýda úıinde dúnıege kelgen ekinshi sábı.
Aıgúl Tashbenbetova, HR menedjer: «Osy jerde bosandy. Qyzdiń ózi de bilmegen shyǵar. Sondaı jaǵdaı bolatynyn. «Shymkent Plazadaǵy» bul ekinshi ret. Al kınoteatrda birinshi ret. Kishkene qobaljyp turmyz árıne. Stress, shok. Kútpegen jaǵdaı boldy endi. Anasy da kútpedi, bizdiń áriptestermizde kútpedi», - deıdi HR menedjer Aıgúl Tashbenbetova.
Kıim aýystyratyn bólmede dúnıege kelgen náreste tez arada qalalyq perınetaldyq ortalyqqa jetkizilgen. Salmaǵy 3 keli, boıy 54 sm. Aq halattylardyń aıtýynsha, ana men balanyń qazirgi jaǵdaıy jaqsy.
Shymkent qalalyq densaýlyq saqtaý basqarmasynyń basshysy Baqytjan Pozılovtyń aıtýynsha, jaǵdaıy jaqsy. «Tez arada reanımatsııa brıgadasy jiberildi. Artynsha kıýezi bar arnaıy brıgada jiberildi. Anasy men balasyna alǵashqy kómek kórsetilip qalalyq perınetaldyq ortalyqqa jetkizildi. Óıtkeni ol eń jaqyn ornalasqan aýrýhana. Qazir jaǵdaıy jaqsy. Qalalyq bosaný úıine tasymaldaý boıynsha suraqtar sheshilip jatyr», - deıdi basqarma basshysy.
Móldir Ibadýllaeva