Shymkentte jas kelinshek 12 qabattan sekirip ketti
ShYMKENT. QazAqparat - Shymkentte jas kelinshek 12 qabattan qulap, mert boldy. Óńirdiń ishki ister departamentiniń qyzmetkerleri qazir 32 jastaǵy áıeldiń óz-ózine qol jumsaýǵa ne sebep bolǵanyn anyqtap jatyr, dep habarlaıdy QazAqparat HAA tilshisi.
Qaıǵyly jaǵdaı Temirlan tas jolynyń boıyndaǵy kópqabatty úılerdiń birinde bolǵan. Jas kelinshek joǵaryǵa kóterilip, ózin-ózi tastap jibergen. Oǵan tipti janynda bolǵan jas jigit te kómektese almaǵan. Oqıǵa ornyna jedel járdem qyzmeti jetkenimen, ómirin saqtap qala almady. Qazir tártip saqshylary osy derek boıynsha Qylmystyq kodekstiń 105-baby «Ózin-ózi óltirýge deıin jetkizý» babymen is qozǵady. Tergeý amaldary júrgizilýde. Polıtseıler baqılyq bolǵan kelinshektiń sýıtsıd jasaǵan, jasamaǵanyn anyqtaıtyn bolady.
