Shymkentte jarylystan qaza tapqan kelinshekti búgin aqtyq saparǵa shyǵaryp salady
ShYMKENT. Shymkentte jarylystan qaza tapqan kelinshekti búgin týystary aqtyq saparǵa shyǵaryp salady. Bul týraly qala ákiminiń baspasóz hatshysy Áıgerim Jumaǵulova málim etti.
Marqumdy jerleý rásiminiń shyǵyndaryn 6506 áskerı bólimi tolyqtaı óz moıyndaryna alǵan.
«Búgin tańerteń Shymkent qalasy ákimdiginde arnaıy qurylǵan jumys tobynyń alǵashqy otyrysy ótken. Onda jábirlenýshilerge kómek kórsetý máselesi qaraldy. Qazirgi tańda, zardap shekken eki otbasyǵa azyq-túlikter men jyly kıimder jetkizilgen. Baspanasyz qalǵan bir otbasyny ýaqytsha turǵyn úımen qamtý jaıy qarastyrylýda», - deıdi A. Jumaǵulova.
Sondaı-aq, saǵat 11.00-de jarylys bolǵan úıdi Ońtústik Qazaqstan oblysynyń ákimi Janseıit Túımebaev arnaıy baryp kórmekshi.
Eske sala ketsek, 8 qańtarda shamamen saǵat 03:30-da Shymkent qalasyndaǵy Halyqtar dostyǵy kóshesinde ornalasqan eki qabatty turǵyn úıde gaz ballony jarylyp, baspana opyrylyp qulaǵan bolatyn.
Almas SULTAN
