Shymkentte jarylys saldarynan qıraǵan jeke turǵyn úıdiń orny tazartylýda
ShYMKENT. Qazaqparat - Shymkentte Halyqtar dostyǵy kóshesindegi jeke turǵyn úıden shyqqan jarylystyń orny tazartylýda. Ázirge qalpyna keltirý jumysyn turǵyndar óz kúshimen júrgizýde, dep habarlaıdy Qazaqparat HAA tilshisi.
Eki qabatty turǵyn úı jalǵa berilgen. Onyń ekeýinde turǵan otbasylar zardap shekken. «Qaıtys bolǵan áıeldiń jasy 29-da. Onyń artynda áskerı salada jumys isteıtin joldasy men toǵyz aılyq nárestesi qaldy», - deıdi kórshisi Indıra Bolysbekova.
Apattan keıin alǵashqylardyń biri bolyp kórshiler kómekke kelgen. Olar qolyna kúrek alyp, úıindi astynda qalǵandardy qaýipsiz jerge shyǵarǵan. Eń birinshi besikte jatqan sábı qutqarylǵan. Al, birinshi qabattaǵy páterde jalǵyz áıel bolǵan kórinedi. Onyń mıy shaıqalyp, týystarynyń úıine jiberilgen.
Aýrýhanaǵa jetkizilgen jábirlenýshiniń biri jansaqtaý bólimshesinde jatyr. Tótenshe jaǵdaılar departamentiniń baspasóz hatshysy Zarıpa Abdýllaeva oryn alǵan derekke qatysty túsinikteme berdi. Qazir, mamandar anyqtaý sharasyn bastap ketekn. Onyń qorytyndysy aldaǵy kúnderi belgili bolady.
Almas SULTAN
