Shymkentte jaryq shamdardy aspanǵa ushyrǵan erekshe fleshmob ótti
ShYMKENT. QazAqparat - Shymkentte «Mıllıonmen birge jarqyraıyq» atty erekshe fleshmob ótti. Sharada qala turǵyndary aspanǵa tilekter jazylǵan shamdardy ushyrdy, dep habarlaıdy QazAqparat tilshisi.
Tarıhı sátti atap ótýge shym shahar turǵyndary Naýryz alańyna jınaldy. Aýa-raıynyń qolaısyzdyǵyna qaramastan kelgen halyqtyń qarasy qalyń boldy. Bul sharanyń taǵy bir ereksheligi - qala aýmaǵynda elektr energııasy bir sátke sóndirildi. Sóıtip turǵyndar shamdardy jaǵyp, mıllıon kılovattyq elektr energııasyn únemdeýge úles qosty.
