Shymkentte jarty jyl boıy páterlerdi tonap júrgen kúdikti ustaldy
ShYMKENT. QazAqparat - Shymkentte jarty jyl boıy páterlerdi tonap júrgen kúdikti ustaldy. Qazirdiń ózinde seziktiniń jábirlenýshilerge keltirgen shyǵyny 2 mıllıon teńgeden asady, dep habarlaıdy QazAqparat HAA tilshisi oblystyq ІІD baspasóz qyzmetine silteme jasap.
Qylmysty ashýǵa 36 jastaǵy qala turǵynynyń aryzy sebep bolypty. Ol tártip saqshylaryna Shymkenttiń irgesindegi saıajaıyna belgisiz tulǵalar enip, teledıdary men mýzykalyq qurylǵysyn, elektrquraldaryn jáne gazbalonyn urlap ketkenin aıtypty. Qoldy bolǵan turmystyq tehnıkanyń quny 200 myń teńgeden asqan.
Jedel-izdestirý sharasy barysynda Qarataý polıtsııa bóliminiń qyzmetkerleri 19 jastaǵy kúdiktini ustady. Tergeý kezinde onyń Qaınarbulaq saıajaıy aýmaǵynda 6 aı kóleminde 13 páterdi tonaǵany belgili boldy. Barlyq qylmystardy belgili bir júıe boıynsha iske asyryp kelipti. ıAǵnı, sybaılastarymen birge úı ıeleriniń joqtyǵyn paıdalanyp, qundy zattaryn jymqyryp otyrǵan.
Urlanǵan zattardy satyp, aqshasyn óz qajettiligine jaratyp júrgen. Qazir oǵan qatysty Qylmystyq kodekstiń «Urlyq» babymen qylmystyq is qozǵalyp, tergeý amaldary júrgizilip jatyr. Tárkilengen aıǵaqty zattar ıelerine qaıtaryldy. Al, kúdiktiniń ózge sybaılastary izdestirilýde.
