Shymkentte jappaı tóbeleske qatysqan oqýshylardyń ata-anasy jazalanady

ShYMKENT. QazAqparat- Tóbeleske qatysýshylardyń bári - bir mekteptiń oqýshylary bolǵan, dep habarlaıdy QazAqparat tilshisi.

Áleýmettik jelide oqýshylar arasyndaǵy janjaldyń vıdeosy tarady. Onda eki jigittiń birin biri aıaýsyz uryp jatqanyn kórýge bolady.

Sondaı-aq, beıǵam otyrǵan bozbalany ekinshi jigit betinen teýip qulatady. Al, qasyndaǵy balalar arasha túsýdiń ornyna vıdeoǵa túsirip, qyzyq kórgen.

Ál-Farabı aýdandyq polıtsııa bóliminiń qyzmetkerleri bul oqıǵa 27 mamyr kúni qaladaǵy kópqabatty úılerdiń aýlasynda bolǵanyn anyqtady.

«Tóbeleske qatysýshylardyń bári - kórshi synyptarda oqıtyn bir mekteptiń oqýshylary. Qazirgi tańda atalǵan jaıt boıynsha jan-jaqty tekserý jumystary júrip jatyr. Jasóspirimderdiń ata-anasyna ákimshilik shara qabyldanady»,-deıdi Shymkent qalasy polıtsııa departamentiniń resmı ókili Saltanat Qarakózova.