Shymkentte janjaldasqan eki jigitten tapansha tárkilendi

ShYMKENT. QazAqparat - Shymkentte tártip saqshylary túngi ýaqytta janjaldasqan azamattardan qarýǵa uqsas zatty tárkiledi, dep habarlaıdy QazAqparat.

19 qarasha túngi saǵat 1:00 shamasynda Shymkent qalasy polıtsııa departamentiniń «102» arnasynan jergilikti turǵyn kómek surap habarlasqan.

Túsken habarlamaǵa shuǵyl den qoıylyp, patrýl polıtsııa polkiniń qyzmetkerleri shaqyrtýǵa barǵan.

Atalǵan mekenjaıǵa tez arada jetken tártip saqshylary «102» arnasyna habarlama bergen azamatpen jolyǵady.

Mán-jaıdy surastyryp, jedel is-áreket júrgizý barysynda janjaldasqan eki azamat anyqtalyp, olardyń qolynda qarýǵa uqsas zat bary belgili boldy.

Oqıǵa ornyna jedel-tergeý toby shaqyrtylyp, aıǵaq tárkilenip alyndy.

Al janjaldasqan azamattar Ál-Farabı aýdany polıtsııa basqarmasyna jetkizildi.

Qazirgi tańda atalǵan azamattardyń qala aýmaǵyndaǵy osyǵan uqsas basqa da qylmystarǵa qatysy bar-joǵy tekserilip jatyr.

Olardyń is-áreketine tekserýdiń nátıjesi boıynsha quqyqtyq baǵa beriledi.