Shymkentte jáne Qostanaıda turǵyn úılerge qaraqshylar shabýyldady - ІІM
ASTANA. QazAqparat - Óńirlerde turǵyndardyń úılerine qaraqshylyq shabýyldary jasalǵany tirkeldi. Bul týraly QR Іshki ister mınıstrliginiń resmı ókili Almas Sadýbaev málim etti, dep habarlaıdy QazAqparat.
Keshe Shymkent qalalyq ІІD qylmystyq polıtsııa qyzmetkerleri bir kún buryn qala turǵynynyń jeke úıinen 1 mıllıon 700 myń teńgeni qoldy etken er adamdy ustady.
Qostanaı qalasynda da tártip saqshylary turǵynnyń jeke úıine shabýyldap, 700 myń teńgesin jáne tirkelgen ańshy myltyqtaryn alyp ketti degen úsh kúdiktini ustady. Qarýlar tárkilendi.
Túrkistan oblysynyń Otyrar aýdanynda betperde kıgen úsheý aýdandyq qazynashylyq ǵımaratyna kirip, travmatıkalyq qarýmen kúzetshini jaralap, bankomatty ashpaq bolǵan. Biraq onysynan túk shyqpaı izin sýytqan. Kúzetshi aýrýhanaǵa jatqyzyldy, onyń ómirine qaýip tónip turǵan joq.
Qazirgi kezde qylmyskerlerdi ustaý úshin shuǵyl sharalar júrgizilip jatyr.
