Shymkentte jańajyldyq shyrsha shamy jaǵyldy
ASTANA. QazAqparat - Búgin Shymkenttegi Ál-Farabı alańynda jańajyldyq shyrsha shamy jaǵyldy. Sharaǵa oblys ákimi Janseıit Túımebaev pen shahar basshysy Ǵabıdolla Ábdirahymov arnaıy qatysyp, barsha qala turǵyndaryn kele jatqan Jańa jyl merekesimen quttyqtady.
«Ońtústik Qazaqstan oblysy jańa jylǵa jańa tabystarmen kelip otyr.
Kúni keshe ǵana el Táýelsizdiginiń 25 jyldyq mereıtoıyn joǵary deńgeıde atap óttik. Shırek ǵasyrlyq jemisti jumystarǵa ońtústikqazaqstan halqynyń da qosyp otyrǵan úlesi orasan», - dedi oblys ákimi Janseıit Qanseıituly.
Qala turǵyndary endi jańa jyldy qarsy alýǵa qamdanyp-aq ketti. Ál-Farabı alańynda ótken is-sharaǵa 400-ge jýyq ónerpaz qatysyp, arnaıy sherý uıymdastyrdy. 200-ge tarta Aıaz ata men qarsha qyz ertegi keıipkerlerinen kórinis qoıdy. 
Merekelik shara sońy otshashýlarǵa ulasty.
Qala ákimdigi tarapynan Jańa jyldyq kóriktendirý jumystary kezinde shahardyń 3 núktesinde Jańa jyldyq shyrsha shamy jaǵyldy. Olar jeke-jeke Ál-Farabı alańynda, Shámshi alleıasy men oblystyq ákimshilik-iskerlik ortalyǵynda ornalasqan.
