Shymkentte janarmaı satatyn eki kompanııada benzın qymbattady
ShYMKENT. QazAqparat - Shymkentte janarmaı satatyn «Helios" pen "Gazpromneft" kompanııalary benzın baǵasyn qymbattatyp jiberdi. Atalǵan janarmaı beketterinde halyq kóp tutynatyn AI-92 benzıni 162-163 teńgege kóterildi, dep habarlaıdy QazAqparat tilshisi.
«Gazpromneft» pen «Helios» kompanııalarynyń ókilderi baǵany kóterýge basshylary tarapynan tapsyrma alǵanyn aıtty. Sóıtip 2-3 teńgege qymbattatqan. Al naqty sebebin túsindire almady»,- dedi oblystyq kásipkerlik basqarmasynyń mamandary.
Qazir kompanııa basshylaryna hat joldanyp, baǵany ósirý sebepteri anyqtalýda.
Al óńirdiń «Janar-jaǵarmaı qaýymdastyǵy» tóraǵasy Qaıypbek Qambarov bolsa ózge janarmaı beketterinde benzın baǵasy ózgermegenin aıtady.
«Meniń oıymsha, qys aýasynda baǵany kúrt kóterý durys emes. Oǵan sebep, bizde naqty málimet joq. Qaı kompanııaǵa qansha benzın berilip jatyr, qansha kompanııaǵa jetpeýde, ol jaǵyn bilmeımiz. Naqty bir júıe joq. Sol jaǵyn retke keltirse durys bolady»,- deıdi Qaıypbek Qambarov.
Eske salaıyq, kúni keshe keıbir aqparattyq saıttar men áleýmettik jelilerde Shymkenttegi benzın baǵasy 4 teńgege kóterilip, AI-92 162 teńgeden satylyp jatqany jóninde aqparat taraǵan edi. Artynsha óńirdiń Kásipkerlik basqarmasy bul aqparatty joqqa shyǵaryp, qalada janarmaıdyń burynǵy baǵamen bosatylyp jatqanyn aıtqan bolatyn.
