Shymkentte janarmaı qymbattamady
ShYMKENT. QazAqparat - Shymkentte janarmaı baǵasy ózgermedi. Óńirdiń Kásipkerlik basqarmasy osylaı málim etti. Basqarma basshylarynyń aıtýynsha qalada janarmaı burynǵy baǵamen bosatylýda, dep habarlaıdy QazAqparat tilshisi.
Baǵanyń óspegenin oblystyq janar-jaǵar maı qaýymdastyǵynyń tóraǵasy Qaıypbek Qambarov ta rastap otyr. Onyń sózinshe, óńirde benzınge degen tapshylyq joq. Qajetti kólemdi munaı óńdeý zaýyty bosatyp jatyr. Sondyqtan baǵany da kóterýge negiz joq. «Máselen (AI-91 benzınin-avt.) «Qazmunaıgaz» - 159 teńge, «Sinoil» - 158, «Helios» - 158 teńgeden satyp jatyr. Kishigirim janarmaı beketteri - 155 -156 teńgeden bosatýda», - dedi Qaıypbek Kambarov.
Aıta keteıik, buǵan deıin keıbir aqparattyq saıttar men áleýmettik jelilerde Shymkenttegi benzın baǵasy 4 teńgege kóterilip, AI-92 markaly janarmaı 162 teńgeden satylyp jatqany jóninde aqparat taraǵan edi.
