Shymkentte janar-jaǵarmaı beketteriniń birine qaraqshylyq shabýyl jasaldy

ShYMKENT. QazAqparat – Shymkentte janar-jaǵarmaı beketteriniń birine qaraqshylyq shabýyl jasaldy. Betine betperde kıgen ekeý beketke basa kóktep kirip, tonap ketken, dep habarlaıdy QazAqparat tilshisi.

Qalalyq PD baspasóz qyzmetiniń málimetinshe, qylmystyq oqıǵa túnde bolǵan. Belgisiz eki adam bekettegi operatordy pyshaqpen qorqytyp, ony oryndyqqa baılap tastaǵan. Sonan soń kassadaǵy 90 myń teńgeni alyp, oqıǵa ornynan izderin sýytqan. Jedel izdestirý sharalaryn júrgizgen Abaı aýdandyq PB krımınaldy polıtsııa bóliminiń qyzmetkerleri eki kúdiktini kóp uzamaı qolǵa túsirgen.

«Kúdiktilerden aıǵaqty zat retinde pyshaq tárkilendi. Atalǵan jáıt boıynsha Qylmystyq kodekstiń 192 baby «Qaraqshylyq» boıynsha is qosǵalyp, sotqa deıingi tergeý amaldary júrgizilýde. Tergeý barysynda ustalǵan kúdiktilerdiń Eńbekshi aýdany aýmaǵyndaǵy da qaraqshylyq qylmystaryna qatystylyǵy anyqtalyp otyr». delingen habarlamada.