Shymkentte jańadan medıa ortalyq salynady - Erlan Aıtahanov

ShYMKENT. QazAqparat – Shymkentte jańadan medıa ortalyq salynady. Keler jyly bul nysannyń jobalaý qujattamalaryn ázirlenip, qurylysy bastalmaq. Bul týraly qala ákimi Erlan Aıtahanov qalalyq máslıhattyń kezekti otyrysynda málimdedi, dep habarlaıdy Qazaqparat tilshisi.

Sessııa barysynda sóz sóılegen qala ákimi Erlan Aıtahanov 2020 jyly atqarylýy tıis jumystarǵa kópshilikti atsalysýǵa shaqyrdy. Onyń aıtýynsha Shymkentte keler jyly TMD mádenı astanasy aıasynda ótetin is-sharalarǵa jaýapkershilikpen qaraý kerek.

«2020 jyly 5 magıstraldy júıe salynyp, qosymsha 95 myń tekshe metrdi qamtımyz. Sýdy tasyp iship otyrǵan 8 eldimekendegi 72 myń turǵyn, jartylaı qamtylǵan 9 eldimekendegi 33 myń turǵyn aýyz sýmen tolyǵymen qamtylatyn bolady. 2020 jyly ár aýdanǵa 1 mlrd teńgeden qarjy beriledi. Bul qarjyǵa kópqabatty turǵyn úı aýlasynda 163 oıyn jáne 79 sport alańshasy jóndeledi. 2020 jyly abattandyrylǵan aýla sany 80 paıyzǵa jetedi»,- dedi shahar basshysy.

Qala ákiminiń aıtýynsha, aldaǵy jyly áýejaıǵa termınal salý, temir jol vokzalyn qaıta qurý, kongress – ortalyq salý men tsıtadeldi qalpyna keltirý jobalary iske asyrylatyn bolady.