Shymkentte jańa jyldan bastap jylý baǵasy birden 12 paıyzǵa kóteriledi
ShYMKENT. QazAqparat - Shymkentte jańa jyldan bastap jylý baǵasy birden 12 paıyzǵa kóteriledi. Bul týraly oblystyq tabıǵı monopolııalardy retteý jáne básekelestikti qorǵaý departamentiniń basshysy Baqtııar Atalyqov málemdedi, dep habarlaıdy QazAqparat tilshisi.
Departament basshysynyń aıtýynsha, kommýnaldyq qyzmet túriniń qymbattaýy bıylǵy shilde aıynda kóterilgen kógildir otynnyń baǵasyna tikeleı baılanysty.
«2016 jylǵy birinshi shildeden bastap, energetıka mınıstriniń buıryǵymen gazdyń baǵasy kóterilgen. Biz sol 1 shildeden bastap kóterilgen gazǵa sáıkes, olardyń bergen ótinimderine 1 qańtarǵa deıin kótermeı ustap turamyz dep kelisip keldik, tarıf tek qana 1 qańtardan bastap kóteriledi», - deıdi ol.
Buǵan deıin shymkenttikter jylýdyń ár sharshy metri úshin 109 teńge 67 tıyn tólep kelgen. Endi jańa tarıfke sáıkes, sharshy metri 122 teńge 83 tıyn bolyp bekitilgen. Al, elektr energııasy, kógildir otyn jáne aýyz sý baǵasynda ózgeris joq.
«Kommýnaldyq qyzmettiń bul túrleri sol kúıinde qalyp otyr. Baǵany bir deńgeıde ustap turýǵa ákimdik pen monopolıst kompanııalardyń ózara kelisimi oń nátıje bergen, - deıdi B. Atalyqov.
Almas Sultan
