Shymkentte jańa jyl qarsańynda 300 oqýshyǵa Prezıdent syılyǵy tapsyryldy
Búgin Shymkent qalasynda Qazaqstan Respýblıkasynyń Prezıdenti Qasym-Jomart Toqaevtyń atynan mektep oqýshylaryna arnalǵan jańa jyldyq shyrsha toıy toılandy.
Elimiz boıynsha bir mezgilde ótken shara «Jańa Qazaqstan – baqytty balalyq shaq mekeni!» dep ataldy.
Oǵan qala ákimi Murat Áıtenov qatysyp, balǵyndarǵa Memleket basshysynyń quttyqtaý hatyn oqyp berdi.
«Aınalaıyn balaqaı! Jańa jyl merekesi qutty bolsyn! Osy tamasha meıram saǵan kóp qýanysh ákelsin. Keleshekte otanyńdy súıetin úlken azamat bol. Bilim men eńbek seni bıik belesterge bastaıdy. Oqýda ozat bolyp, sport jáne shyǵarmashylyq salalarynda zor tabystarǵa jetýińe tilektespin.Armandaryń oryndala bersin!» delingen quttyqtaý hatta.
Budan soń Murat Dúısenbekuly oqýda, sportta, shyǵarmashylyqta jáne qoǵamdyq ómirde jetistikterge jetken daryndy 9 ben 13 jas aralyǵyndaǵy 300-ge jýyq balaǵa Prezıdent syılyǵyn tapsyrdy.
Jańa jyldyq ǵajaıyptar eline saıahattaǵan balalar tanymal mýltfılmderdiń jáne halyq ertegileriniń keıipkerlerimen tanysyp, olarmen oıyn oınady, án aıtyp, bı bıledi.
Aıaz ata, Aqshaqar, 2023 jyldyń sımvoly - Qoıan, mýzykalyq súıemeldeýmen tanymal mýltfılmderdiń keıipkerleri, anımatorlar, balalar shyǵarmashylyq ujymdarynyń qatysýymen horeografııalyq, teatrlandyrylǵan qoıylymdar kórsetildi.
