Shymkentte jańa jolaıyryq salynatyn boldy

ShYMKENT. QazAqparat - Shymkenttegi Astana dańǵylynyń boıynan jańa jolaıyryq salynady. Bul joba qalanyń ortalyq kóshelerindegi kólik qozǵalysyn azaıtý maqsatynda júzege asyrylmaq, dep habarlaıdy QazAqparat tilshisi. 

Qala ákimdigi baspasóz qyzmetiniń málimetinshe, jolaıyryqtyń uzyndyǵy 6 shaqyrymǵa jetedi. Bul kóshe Shymkenttiń ákimshilik-iskerlik ortalyǵy men Tassaı turǵyn alabyn baılanystyrady dep josparlanǵan. Mamandardyń sózinshe, qazirgi tańda Astana dańǵylynyń boıy da kórkeıtilýde. Munda ulttyq úlgidegi shaǵyn sáýlet qurylymdary qoıylyp, jaryqshamdar ornatylǵan. Sahnasy bar úlken gúlzar ashylyp, shaǵyn gúl alańshalary egilgen.

Buǵan qosa, Shymkenttiń bas josparyna sáıkes, «Nursát-3» shaǵynaýdanynyń saı-salasynda sport jáne balalar alańshalary men demalys saıabaqtary boı kóteredi dep kútilýde.