Shymkentte jańa termınaldyń qurylysy bastalady

ShYMKENT. QazAqparat - Búgin Shymkent qalasynyń ákimi Ǵabıdolla Ábdirahymov pen «SKAT» əýe kompanııasynyń prezıdenti Vladımır Denısov ózara memorandýmǵa qol qoıdy. Mańyzdy qujat aıasynda qalanyń əýejaıynda jańa jolaýshylar termınalynyń qurylysy júzege asyrylatyn boldy, dep habarlaıdy QazAqparat.

Taraptar 50 mln AQSh dollaryn quraıtyn qurylys jumystaryn erterek bastap, 2020 jyldyń alǵashqy jartyjyldyǵynda paıdalanýǵa berýge ýaǵdalasty. Óıtkeni shymshahar respýblıkalyq mańyzy bar qalalar qataryna qosylǵaly munda otandyq jəne sheteldik týrıster kóptep kelýde. 

«Bul joba Shymkent əýejaıynyń jolaýshylardy ótkizý qabiletin arttyrý úshin termınal salý qajettiligi týyndaýyna baılanysty qolǵa alyndy. «SKAT» əýekompanııasy» AQ jeke ınvestor retinde jańa termınaldy óz esebinen salýǵa qyzyǵýshylyq tanytyp otyr. Osyǵan baılanysty qala ákimdigi tarapynan termınal qurylysyna 2,8 gektar jer telimi bólindi», - dedi shahar basshysy.

Aıta keteıik, «SKAT» áýe kompanııasy óz qarjysy esebinen jańa termınaldyń qurylys jumystaryn birneshe kezeń boıynsha júrgizbek. Sodan keıin kólemi 7 ga jerde áýe kemelerine arnalǵan perron keńeıtiledi. Al, qala ákimdigi jol qurylysy men ınjenerlik jelilerdi qaıta qurý, áýejaı aldyna avtoturaq salý jáne vokzal aldy alańynyń qurylysyn, abattandyrý jumystaryn óz tarapynan júrgizetin bolady.