Shymkentte jańa «Shymkent Business School» mektebi ashylady

ShYMKENT.QazAqparat - Shymkentte jańa «Shymkent Business School» mektebi ashylady. Atalǵan jobany «Shymkent» ÁKK» AQ, Silkway Ýnıversıteti jáne UX group kompanııasy júzege asyrady, dep habarlaıdy QazAqparat tilshisi.

«Shymkent» ÁKK» AQ baspasóz qyzmetiniń málimetinshe, atalǵan mektepke stýdentter men bıznesmen bolǵysy keletin ýnıversıtettiń túlekteri qatysa alady. Jas erekshelikteri 18-den 35-ke deıin bolýy mindetti. Jastar 15 kúndik kýrsta bilikti bıznes-jattyqtyrýshylardan dáris alyp, arnaıy kásiptik baǵdarlama ázirleıdi. Mekteptiń aıryqsha ereksheligi - elektrondyq kommertsııa negizderin úıretetin bolady. Úzdik bıznes-ıdeıalar qarjylandyrýdy alady. Jańa bastaǵan kásipker úshin qajet aqparattyń tolyq kólemin qamtıdy.

Keıinnen bastaýysh mektepti bitirgender dıplomǵa ıe bolyp, «Shymkent Business School» tuńǵysh túlekteriniń qataryna qosylady. Qazirdiń ózinde atalǵan mektepke oqýǵa júzden astam jastan ótinishter túsken.