Shymkentte jańa órt sóndirý deposy ashyldy

ShYMKENT. QazAqparat – Shymkent qalasy TJD jańa órt sóndirý deposy ashyldy. Órt sóndirý qyzmetiniń №4 órt sóndirý bóliminde ótken saltanatty sharaǵa Shymkent qalasy ákiminiń orynbasary Buqarbaı Parmanov pen tótenshe jaǵdaılar qyzmetkerleri qatysty, dep habarlaıdy QazAqparat tilshisi.

Bul kúni sondaı-aq, órt sóndirý bólimderiniń avtomobıl parki zamanaýı órt sóndirý tehnıkasymen tolyqty. Jańa tehnıkalardyń kiltin Buqarbaı Parmanov tabystady.

Aıta keteıik, jyl saıyn órt sóndirý qyzmeti órt sóndirý bólimderiniń materıaldyq-tehnıkalyq bazasy zamanaýı órt sóndirý tehnıkasymen tolyǵýda. Bul baǵytta jergilikti atqarýshy organdar turaqty túrinde kómek kórsetip keledi. Shymkent qalasynyń ákimdigimen tyǵyz yntymaqtastyqtyń arqasynda Belarýs Respýblıkasynan taǵy 30-dan astam zamanaýı órt sóndirý tehnıkasyn satyp alý josparlanǵan.

Sondaı-aq №4 órt sóndirý bóliminiń aýmaǵynda avtokólikterge arnalǵan órt sóndirý deposy salynyp, bólim aýmaǵyndaǵy jol jóndeldi. Budan bólek, arnaıy tehnıkalar turatyn avtoturaqtarǵa kúrdeli jóndeý júrgizildi. Osylaısha órt sóndirý avtokóliginiń jedel jáne kedergisiz ótýine barlyq jaǵdaı jasalǵan.