Shymkentte jańa mektep ashyldy

ShYMKENT. QazAqparat – QR Tuńǵysh Prezıdenti kúnine oraı Shymkentte jańa mekteptiń saltanatty ashylý rásimi ótti. «Shym sıtı» shaǵynaýdanynda ornalasqan №135 jalpy orta bilim beretin mektep 1200 orynǵa arnalǵan, dep habarlaıdy QazAqparat tilshisi.

Qala ákimi Murat Áıtenov jańadan salynǵan bilim nysanymen tanysyp, ǵımaratty aralap kórdi. Lıngafondy kabıneti men bastaýysh synyp, er balalarǵa arnalǵan tehnologııa kabınetimen tanysty. Sonymen qatar, shahar basshysy jas shahmatshylar oıynyn tamashalady. Sondaı-aq, Murat Dúısenbekuly mekteptiń sport zalynyń jaǵdaıymen tanysty. Mekteptiń materıaldyq-tehnıkalyq bazasymen tanysqan qala ákimi mekteptiń Estelik kitabyna qol qoıdy.

Mektep ǵımaratynyń qurylysy 2017 jyly bastalǵan bolatyn. Joba quny – 1 mlrd. 448 mln teńge. Qurylystyń bas jobalaýshysy – «Kórkem sáýlet» JShS. Merdiger mekeme nysandy óz ýaqtynda aıaqtap, paıdalanýǵa tapsyrdy. Búginde mekteptegi oqýshylar sany – 720. 3 gektar aýmaqty alyp jatqan mektep ashana, sportzal, medıtsınalyq pýnktpen jabdyqtalǵan. Kompıýter sany – 172 dana. Mektepke búginde ulaǵatty ustaz Berikbaı Mıheev jetekshilik etedi.