Shymkentte jańa ımam taǵaıyndaldy
ASTANA. 1 qazan. QazAqparat - Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyuly hazrettiń buıryǵymen Qaraqulov Erkebulan Atyraý oblysy Atyraý qalasy oblystyq ortalyq «Imanǵalı» meshitiniń naıb ımamy qyzmetinen bosatylyp, Ońtústik Qazaqstan oblysy Shymkent qalasynda ornalasqan Qazaqstan musylmandary dinı basqarmasy Respýblıkalyq ıslamı dinı birlestiginiń fılıaly qalalyq «Abdýlhamıd Qattanı» meshitine bas ımam bolyp taǵaıyndaldy. Bul týraly muftyat.kz habarlady.
Oryn Erbosyn Bektursynuly OQO ımamynyń orynbasary jáne Shymkent qalasynyń «Abdýlhamıd Qattanı» meshitiniń bas ımamy qyzmetinen, Qazaqstan musylmandary dinı basqarmasynyń Іs basqarýshysy qyzmetine aýysty.
Ol 1998-2006 jj. Egıpet Arab Respýblıkasyndaǵy Al-Azhar ýnıversıtetiniń «Teologııa negizderi» fakýltetiniń «Tápsirshi» mamandyǵy boıynsha támamdady.
2008-2010 jj. Almaty qalasyndaǵy Ál-Farabı atyndaǵy ýnıversıteti «Dintaný» mamandyǵynyń magıstri. 2009-2011 jj. Qazaqstan musylmandary dinı basqarmasynda dinı saraptaý jáne taldaý bóliminiń jáne 2010 jyldary qosymsha qajylyq bóliminiń meńgerýshisi qyzmetterin atqardy.
«Tájirıbesi mol, bilimdi de bilikti maman, jamaǵat pen jergilikti ákimshilik júıemen til tabysa biletin azamat. Sondaı-aq, birneshe kitaptar men maqalalardyń avtory», - dep jazady muftyat.kz.
