Shymkentte jańa 12 avtobýs baǵdary ashylady
ShYMKENT. QazAqparat - Shymkentte jyl sońyna deıin jańadan 12 baǵdar qosylady. Jolaýshylar tasymalyn jaqsartý maqsatynda qoǵamdyq kólikterdiń deni qalanyń shetki eldi mekenderinen ortalyqqa qatynaıdy. Bul týraly qalalyq turǵyn úı - kommýnaldyq sharýashylyq bóliminiń basshysy Nurlan Bektursynov málimdedi, dep habarlaıdy QazAqparat tilshisi.
Bólim basshysynyń sózinshe, júrý jıiligin buzǵan kompanııalarmen qazirdiń ózinde kelisimsharttar buzylyp jatyr.
«Atap aıtatyn bolsaq, 38,21,33,12A, 134 osy bes baǵytpen búgingi tańda bir jaqty kelisimshartty buzdyq. Olar endi kelesi tenderdiń jeńimpazy anyqtalǵan kezge sheıin ǵana qyzmet kórsetedi»,- dedi Qýatjan Jumataev.
Sonymen qatar, bólim aldaǵy ýaqytta Shymkentten memlekettik avtobýs parkin ashýdy usynyp otyr. Bul baǵyttaǵy ilkimdi ister qazirdiń ózinde bastalyp ketken. Atalǵan sharalar oblys ákimi Janseıit Túımebaevtyń Shymkent qalasy ákimin taǵaıyndaý kezinde bergen tapsyrmalarynyń nátıjesinde qolǵa alynyp otyr. Qala basshylyǵynyń málimetinshe, endi qala turǵyndary sondaı-aq sapaly jaryq tutynatyn bolady. Qazirdiń ózinde qalanyń shetki aýdandarynda elektr jelileriniń qurylysy qarqyndy júrgizilip jatyr. Bozaryq - 1, 2, 3 eldimekenderinde bastalǵan sharýa jyl sońyna deıin bitedi dep josparlanǵan. Al, keler jyly «Qursaı» jáne Qaınar shaǵynaýdandaryn joǵary sapaly jaryqpen qamtý úshin jobalyq smetalyq qujat ázirlendi. Qalaǵa Saıram, Ordabasy, Tólebı aýdandarynan qosylǵan 41 eldimeken boıynsha áleýmettik-ekonomıkalyq kartasy ázirlenip, sol karta qala ákimi men bektilgen. Árbir eldimeken boıynsha qandaı jumystar atqarylatyny kórsetilip, atqarylyp jatyr,- deıdi jaýapty mamandar.
