Shymkentte jańa 100 jedel járdem kóligi búginnen bastap shaqyrtýǵa shyqty

ShYMKENT. QazAqparat – Shymkentte Táýelsizdik merekesi qarsańynda berilgen 100 jańa jedel járdem kóligi búgin jelige shyqty. Sary túske boıalǵan kólikter bir mezette ortalyq jedel járdem stansasynan shaqyrtýlarǵa bardy, dep habarlaıdy QazAqparat tilshisi.

Sala mamandary endi 103-tegi shaqyrtýlarǵa mamandardyń keshigýi azaıatynyn aıtady. ıAǵnı, shuǵyl kómekti qajet etetinderge jedel járdem qyzmetkeri der kezinde baryp, medıtsınalyq kómek kórsetetin bolady. Búginge deıin qala turǵyndary tarapynan jedel járdem qyzmetiniń ýaqtyly kelmeýine baılanysty kóptegen syn-eskertpe aıtylyp kelgen. Sondyqtan, búgin jolǵa shyqqan avtokólikter osy kedergilerdi joıyp, olqylyqtardyń ornyn toltyrmaq.

Aıta keteıik, buǵan deıin shahardaǵy jedel medıtsınalyq járdem stansasynda 87 kólik bolsa, onyń jartysynan kóbi búgingi kúnde tozyǵy jetken.

Endi eskirgen kólikter jańasyna aýystyrylyp otyr. Jańa jedel járdem avtokóligi ınnovatsııalyq tehnologııalar qoldanylǵan, zamanaýı qondyrǵylarmen jabdyqtalǵan.

Atap aıtqanda, syrtqy kardıostımýlıator múmkindigi bar defıbrıllıator, ókpeni jasandy jeldendirý, reanımatsııalyq portatıvti rıýkzaktar, 12 kanaldy elektrokardıograftar (EKG), statsıonarlyq jáne portatıvti ottegi berý júıesi, 4 reanımatsııalyq brıgadalarǵa júrek massajyna arnalǵan avtopýls, pedıatrııalyq brıgadalarǵa jańa týǵan nárestelerdi tasymaldaýǵa arnalǵan 4 ınkýbatormen jaraqtandyrylǵan.

Sonymen qatar, jedel járdem qyzmeti basshylyǵy sall-ortalyq álemdik standarttar boıynsha jańǵyrtylady dep otyr. Jergilikti kadrlardy shuǵyl jaǵdaılarda sımýlıatsııalyq maketterde jumys isteýge oqytýdan ótip, biliktiligin arttyrý da josparlanýda.