Shymkentte Jalpyrespýblıkalyq ashyq sabaq ótti
Dáriske ýnıversıtettiń 8000-ǵa jýyq stýdenti qatysyp, lektorlardyń Elbasy jónindegi daıyndaǵan baıandamalaryn tyńdady, dep habarlaıdy QazAqparat tilshisi.
Dáriste oblystyq máslıhattyń depýtattary men memlekettik qyzmetshiler Elbasy jaıly san túrli aqparattarmen bólisti. Olardyń árqaısysy stýdentterge jeke – jeke dáris oqyp, QR Tuńǵysh Prezıdenti N.Nazarbaevtyń ómir jolymen tanystyryp, ult kóshbasshysy jaıly estelikterimen de bólisti. Máselen, Shymkent qalasy Ál-Farabı aýdanynyń ákimi Ǵabıt Máýlenqulov atalmysh ýnıversıtettiń quqyqtaný jáne zańtaný fakýltetteriniń stýdentterimen ashyq pikir almasty.
Ult kóshbasshysynyń ómir jolyn, elimiz úshin atqarylǵan jumystarǵa sholý jasap, jastarǵa birqatar aqparat taratty. Aýdan ákimi tek munymen ǵana shektelmeı, stýdentter tarapynan qoıylǵan saýaldarǵa da jaýap berdi. Al M.Áýezov atyndaǵy OQMÝ-da bilim alýshy stýdentterdiń saýaldarynyń basym bóligi memlekettik qyzmetke ornalasýdyń amal-tásilin bilý jóninde boldy.
