Shymkentte jalpy qalalyq senbilik ótti

ShYMKENT. QazAqparat - Shymkentte Naýryz merekesi qarsańynda jalpy qalalyq senbilik ótti. Kóshelerdi, aýlalardy tazalaý jumysyna 46 myńnan asa turǵyn atsalysty,dep habarlaıdy QazAqparat qala ákimdiginiń baspasóz qyzmetine, silteme jasap.

Senbilikke 60-tan astam arnaıy tehnıka jumyldyryldy. Barlyǵy 210 345 sharshy metr aýmaqtan 295 tekshe metr qoqys qala syrtyna shyǵaryldy. Jalpy uzyndyǵy 385,4 metr ırrıgatsııalyq aryq, 31 271 sharshy metr jol jıegi tazalandy.

Sonymen qatar, jasyl jelekti túrli zııankesterden qorǵaý maqsatynda 8160 aǵash əkteldi. Jáne alty myńǵa jýyq kóshet otyrǵyzyldy.