Shymkentte jalǵan polıtseı ustaldy
Respýblıka kóshesiniń boıynda júrgizilgen reıdtik is-sharalar kezinde polıtsııa qyzmetkerleriniń nazaryn formadaǵy jas jigit aýdarǵan. Tártip saqshylary kúdiktini tekserý barysynda odan Ál-Farabı aýdandyq polıtsııa basqarmasy JPQB ýchaskelik ınspektoryna tıesili jalǵan qyzmettik kýálikti tárkilegen. Sondaı-aq, tergeý barysynda er adamnyń formany qaladaǵy dúkenderdiń birinen alǵany anyqtaldy.
«Atalǵan fakti QK-tiń 390-babymen (bılik ókiliniń nemese jaýapty memlekettik laýazymdy atqaratyn laýazymdy adamnyń ataǵyn óz betimen ıemdenip alý) tirkeýge alynyp, sotqa deıingi tergeý áreketteri júrgizilýde. Kúdikti kýálik muqabasyn satyp alyp, keıinnen polıtsııa qyzmetkeri kýáliginiń úlgisin alyp, soǵan úılestire óz atyna jasaǵan. Qujatta ózin ýchaskelik ınspektor dep kórsetken. Tipti fotoshop arqyly ózine polıtsııa kıimin kıgizgen» - delingen Shymkent qalasy polıtsııa departamentiniń baspasóz qyzmeti taratqan aqparatta.
Ustalǵan azamat buryn-sońdy sotty bolmaǵan. Onyń Túrkistan oblysynyń 19 jastaǵy turǵyny ekeni belgili boldy. Qazirgi tańda polıtseıler azamattyń tártip saqshysynyń formasyn ne úshin jáne qandaı maqsatta kıgenin anyqtaýda.