Shymkentte zańsyz jumys istegen «qarjy polıtseıi» ustaldy
ShYMKENT. QazAqparat - Shymkentte jalǵan qarjy polıtseıi ustaldy. OQO ІІD baspasóz qyzmetinen habarlaǵandaı, 1984 jylǵy er adam qalalyq kólik jýý ornynyń mańynda kózge túsken. Tintý kezinde onyń atyna resimdelgen aǵa leıtenant shenindegi qarjy polıtsııasy qyzmetkeriniń kýáligi tabyldy.
«Ustalǵan azamat bul qujatty jasyrýǵa tyrysty. Ol kólik jýý ornynyń bir qyzmetkerin kýálikti jasyrýyn suraǵan», delingen habarlamada.
Tártip saqshylary bul azamattyń qarjy polıtsııasy organdarynda jumys istemeıtindigin anyqtady. Sondaı-aq onyń «kýáligi» de jalǵan bolyp shyqty. Ustalǵan azamatty Abaı aýdandyq ІІB jetkizdi. Búginde polıtseıler onyń kýálikti qaıdan alǵanyn anyqtaýda. Atalǵan fakti boıynsha QR QK 325 baby «Jalǵan qujat, shtamp, mór, blanki, memlekettik nagradalardy jasaý, satý» boıynsha qylmystyq is qozǵady. Tergeý amaldary júrgizilýde.
